Verwyte

Ek beluister my vriendinne nou die dag so. Almal is toe op ‘n guilt trip, want die kinders verwyt hulle oor dit en dat. Boonop verwyt die vriendinne ook hulleself! Oor hulle opvoeding.

Ek verwyt myself ook – te besig, te ongeduldig.

My maatjies is jammer oor hulle nie hulle kinders meer geprys het en so meer selfvertroue gegee het nie – mense se selfvertroue ontwikkel mos omdat jy sekere dinge goed kan doen. (Wie het dit uitgedink?)

My ander vriendin is spyt sy het haar kinders as sulke jammerhartige mense grootgemaak. Nou trap mense op hulle en verstaan nie die omgee nie.

Al hierdie kinders het baie liefde en aandag gekry en is vandag almal baie oulike mense! Ons behoort eintlik baie trots te wees op ons opvoeding!

Ongelukkig het ons die keuse gemaak om nou, as ons niks kan doen om ons opvoeding te verander nie, foute te soek en onsself te verwyt.

‘n Dag is te kort om jouself te verwyt oor die verlede. Jou bedoelinge was goed, jou omstandighede nie altyd maklik nie, maar jy het hard probeer om vir jou kinders te gee wat hulle nodig gehad het – veral liefde, aandag en ondersteuning!

En uit dit alles skep God toe ‘n pragtige volwasse mens vir jou. Net daar om te geniet.

Dan moet ons ook onthou ‘n kind leer by almal om hom. Daarna kies hy uit hierdie bronne wat vir hom werk en hoe hy wil leef.

So, hou op om jouself te verwyt. Leer jou volwasse kinders dat jou én hulle keuses en God se seën hulle gevorm het en dat verwyte onnodig is.

Daar was ‘n tyd wat ek myself erg verwyt het oor my kinders se opvoeding. Op ‘n dag het ek vir my kinders daarvan vertel. Daarna het ek om verskoning gevra vir wat ek dalk verkeerd gedoen het en vergifnis gevra. Dit was bevrydend!

Mens se persepsie oor jouself en jou gedrag kan ook verkeerd wees! Jy kan jouself beslis ook verniet verwyt. My kinders vind dit baie snaaks as ek sê ek was te kwaai. Kwessie van persepsie!🤓ons kyk dikwels deur ‘n verkeerde bril na onsself en dit steel ons geluk!

Die klem moet eintlik daarop wees om mekaar te geniet en vir die gesin wonderlike memories te bou.

Ons het byvoorbeeld ‘n ritueel van Sondagoggend tee en koekies – en almal wil Sondae weet wanneer kry hulle dan nou koek en tee! En natuurlik braai ons ook Sondae. Vrydag-aande eet ons biltong en pap! Dan lees ons ook baie middae of aande saam – foontjietyd (of ander leesstof).

Terug by verwyte: verwyte bring ons nêrens. Dit steel die wonderlike seën om mekaar net te geniet!

Advertisements

Published by

Gedigte wat jou laat dink.

Om te dig in my taal roep my, dit dwing in my en dis lekker verby! Ek vra God om my te help dig - dus dig ons saam. Ek probeer 'n wye verskeidenheid van universele temas dek. Hoop dit sit heerlike debat aan die gang...

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google photo

Jy lewer kommentaar met jou rekening by Google. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s

This site uses Akismet to reduce spam. Learn how your comment data is processed.